Batang Nanaygon

December 18, 2011 § Leave a comment

Ganiha nagselebrar mi sa adlawng natawhan sa usa nako ka ig-agaw. Mga alas otso naay nanaygon sa amoa. Bata. Siya ra usa. Balde sa pintal ang iyang gamit para panaygon. Gipasulod siya nilang Nanay ug gipakaon. Gitapdan nako siya kay basin maulaw sa ubang mga bisita. Labong nagtan-aw ko sa iyaha, gikumot akong dughan. Kaluoy intawn sa bata. Otso anyos siya. Gamay para sa iyang edad. Lima silang magsuon. Gipangutana nako siya kung nganong siya ra usa. Miingon siya nga manaygon lagi. Gipangutana pa nako siya kung wala ba sya pangitaa sa ilaha. Miana siya dili ra man daw. Layo diay ilaha ug naglakaw ra tawn siya para makapanaygon. Wala pa siyay panihapon ato. Hinay ra sya nagkaon. Pagkataod taod, miingon siya nga dili na niya tiwason iyang pagkaon ug pwede ba niya putson para makakaon iyang mga manghud. Gipatiwas nako siya ug gipaputsan siya ni Nanay ug pagkaon. Gipasakay siya namo ug trisikad padulong sa ilaha kay bug-at ang putos para sa iyaha. Pila na ka-oras ang nilabay gikan sa iyang paghawa. Naluoy pa gihapon ko. Sa madugay nga panahon, maglisod ko ug hilak ug wala na ko mahinumdom kanus-a ko kinalasan nakahilak. Pero karon nga naghigda na ko ug nag-inusara, sayon rang nitulo akong mga luha. Daghan karon ang nangamatay tungod sa trahedya ug makaluluoy kining panghitaboa apan mas naluoy ko sa gamayng bata nga naningkamot manaygon aron makakaon. Maayo unta nga karong pasko, mahayagan ang atong mga panghunahuna ug lamdagan sa Ginoo atong mga kasingkasing para mutabang sa mga nanginahanglan niini. Dili unta kita magdinalo ug kung mahimo, kalimtan usa nato atong kaugalingon. Nanghinaot ko nga katong bata nakauli ug tarong ug matarong unta ang iyang ugma.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading Batang Nanaygon at Luokeshan's Blog.

meta

%d bloggers like this: